مشكلتي هي أني !!

[الفراشــة]

:3e:

السـلام عليكم

صراحه يمكن اول مره اطرح مشلكه لي بأي مكان ولكن

محتاجه أحد يساعدني :060:

مشكلتي اخوي اكبر مني .. مدري ايش اقول بس يكرهني يكره وجودي بالبيت

يمد يده علي .. واللي حاز في خاطري انه انا لحالي دون اخواتي

مشكلتي هي الضرب احس يتلذذ بضربي بشكل مو طبيعي

ماعندي خصوصيه مثل باقي اخواتي !

احب الكتابه احب القراأه لكن هذا الشي ممنوع عنده

احب اكتب قصص وشعر بعد مايخليني ممنوع عنده

ماعندي صديقات .مايخليني اكون صدقات مع بنات المدرسه حاط مراقبه علي من بنات عمي

حتى في الفصل داخل الفصل ماعندي احد اكلمه من البنات ابقى خايفه

بادلته نفس الشعور احمل بقلبي وداخلي له كره موطبيعي

طول حياتي واوقاتي ابقى جالسه بغرفتي ما اطلع منها

ما اكلمه ولا اطيق اشوف شكله

تقدم لي شخص لخطبتي كان عمري 16 سنه لكنه مقرب من العائله رفضته

حاطه في بالي اخذ واحد مو من الدوله اللي انا فيها ابي اروح ابي اهج

وبنفس السنه تقدم لي شخص ساكن في المنطقه الغربيه

وافقت عليه لانه بعيييييييييد .. ماكلمت دراستي بس ابي اتزوج واطلع من البيت..:sad:

وفعلاً تزوجت

وهنا صارت معي مشكله ثانيه

اني كل الظغط اللي حطه فيني اخوي اطلعه على زوجي

عصبيه .. ما احترمه .. خايفه احمل ويجيني اولاد :sad:

الحين عمري 20 سنه وللحين متأثر بالظغط حق اخوي

وللحين ماجاني اطفال بس احس اني مرتاحه

مشكلتي طويله بس هذا اللي اقدر اقوله:sad:

اسفه على الأطاله .. والسموحه




:3e:

[أ. نوره الصفيري]

أهلا بك عزيزتي....
كم هو عمر أخوك..وماترتيبه وترتيبك بالأسره؟؟؟وما اسباب أنه أنت دون غيرك من أخواتك يشك فيك...؟؟؟ وأين اهلك من المشكله وأيش كان موقفهم منه؟؟؟
والآن يهمنا مشكلتك الحاليه...كم عمر زوجك؟؟وهل أنت سعيده معه ومقتنعه به؟ وكم مضى على زواجك؟ وكيف صارت علاقتك مع أخوك بعد الزواج؟؟؟؟؟؟

[الفراشــة]

:

السلام عليكم

عمر أخوي ...24

ترتيبه بالعائله هو الثالث .. وانا الخامسه

السبب انا دون أخواتي ..دايم اطرح على نفسي نفس السؤال ..

ممكن يشك فيني لأنه صارت مواقف كثيره ... منها يفتش في كتبي شنطتي في خزانتي

وين اهلك.. موجودين وهم غير راضين على اعماله لكن هو شخصيته قويه ومتسلطه

موقفهم منه ... ما ادري بس كلام حرام عليك هذي اختك .. ليه تسوي فيها كذا .. وش سوت..بس!

عمر زوجي 24 .. انا سعيده الحمد لله على الأقل لقيت من يفهمني ..

بالنسبه اني مقتنعه فيه... موكثير انا تزوجته لسبب وهو الخروج من البيت

كم مضى على زواجي...5 سنوات تقريبا

علاقتي بأخوي.. من يوم ماتزوجت ماشفته ولا ابي اشوفه ولا اكلمه خير شر

تواجهت مره معه .... لكن حسيت انه ماتغير نظراته لي كرهه لي باقيه

[أ. نوره الصفيري]

عزيزتي أنت بمعاملة قاسيه وظالمة في سن حرجه من شخص ليس مسئول عنك وليس من المفترض أن يكون له سلطه عليك...فبسبب عدم قدرتك على الرفض والدفاع عن الذات ...بنى بداخلك مشاعر غضب...وانتقام....خرجت بأول علاقه شعرت بها بالأمان...فالآن زوجك يدفع ثمن أخطاء أخيك خصوصاً وانهم بعمر مقارب وخصوصا وان زوجك طيب اشعرك بالقبول والأمان...
عزيزتي يجب أن تعالجي جروح الماضي...يجب أن تتحرري من المشاعر السلبيه....وتقفلي صفحة الماضي حتى تستطيعي العيش بسلام...وانا استطيع مساعدتك بتقنيات فعاله جدا...لكن احتاج لرؤيتك....

[الفراشــة]

:

بارك الله فيكِ

فعلاً احتاج احد يساعدني ومحتاجه انسى كل شي كان يتعلق بأخوي


: