كيف اتصرف ؟؟

[مبدعة]

بنتي هذي الايام تحتك كثير ببنت عمها (اول ابتدائي)
المشكلة في ان بنت عمها تحطمها كثير وتقولها انت شعرك زي
الاولاد !! وانت صغيرة ماتدرسين !! وانت وانت

لما ارجع من العمل القى البنت تمارس دور المتسلطة على اخوها
وتردد عبارات مثل( ما ابي اسمع صوتك) ( لا تزعجني) ( انت بزر وانا كبيرة رح لاتلعب معي)
ومن هالكلام وبصوت عالي ينرفز ..

انا عرفت انها تطبق على اخوها ماتفعله بها بنت عمها ..
وتناقشت معها بهدوء .. هل اللي تسوين صح ؟؟ وقالت لا بس جود تقول لي كذا

هذا كوم ومسألة انها زي الاولاد كوم وانها صغيرة ما تدرس ..

كيف اتصرف ؟؟

[أ. نوره الصفيري]

عزيزتي ازرعي ما تريدين في ابنتك من قيم...من خلال القصة وضرب الأمثله...فالقصة التي تمثل واقعها..وتركز على معاناتها الداخليه من بنت عمها وكيف قررت انها ماتاتصير مثلها وتألم اللي أصغر منها...وبعدين الله....
هذا له مفعول السحر...وأيضاً أنت تقوي لديها المرجعية الداخليه...بأننا لا نكرر ما يفعله الآخرون بل لنا رأي وعقل مستقل يجعلنا نقبل بعض ونرفض البعض الاخر...

[مبدعة]

شاكرة لك نصيحتك ..
عزيزتي اليوم قصيت لها قصة تمثل واقعها مع بنت عمها
والله تفاعلت بقوة واخوها بعد :)

[أ. نوره الصفيري]

رائع ...يامبدعة..القصة وخصوصاً قبل النوم من أقوى الطرق في برمجة مانريد في أبنائنا من قيم...وخصائل....وأفكار ايجابيه...

[مبدعة]

أنا عادةً قبل النوم اقص لهم قصص عنها هي واخوها بتغيير الاسماء .. واتكلم عن الاشياء الحلوة اللي سووها والاشياء الخطأ لكن ما عمري دخلت معهم احد .. غالباً القصة تكون عنا كعائلة والمواقف اللي تصير .. :)