ممكن اتخلص من شعوري هذا

[الأمل حلو]

مساء خاص مايليق الا بك..... استاذتي نوره

عزيزتي مشكلتي انه احلامي وافكاري وخيالاتي ارتبطت بشخص معين ولمدة تقريبا ممممم ثلاث سنوات
لكن النصيب شاء غير ذلك..

وانا الا على وشك ان اكون في ذمة رجل اخر....لكن ..مازلت اعاني..دايما ماتخيل ان سعادتي راح تكون مع الشخص الاول..دايما احس ان زواجي هذا مثل الحلم ..,,وان نصيبي راح يكون مع الاول..
مع اني اتمنى من كل قلبي ان انسى واعيش حياتي بدون هالافكار..

وطبعا هالشي معيشني في خوف..زياده على هم الزواج وتوابعه ..اخاف ان هالشي ء يأثر..
حاولت اني مافكر ..وان فكرت اوقف تفكيري على طول..اشغل نفسي باي شي..
بس هالشعور ملازمني..

احيانا افكر اقول الله لوفيه شي يسوي فورمات لقلبك وعقلك..كان احنا مرتاحين

اتمنى الاقي عندك حل بأسرع وقت..والله لا يخلينا منك..

[الأمل حلو]

ان شاء الله تكوني لسا موجوده

[أ. نوره الصفيري]

أهلا وسهلا عزيزتي...
عزيزتي عمرك؟ وهل الشخص الذي سوف ترتبطي به مناسب ومقتنعه له تماماً؟ وهل أنت تحادثيه الآن؟؟
وهذا الشخص ..ملك أحلامك...هل هو قريبك ؟ ولماذا لم يتقدم لك؟؟؟وهل فعلا سيكون شخص مناسب لو تزوجتيه؟؟؟ وكيف تعرفين انه ستكوني سعيده معه؟ لأننا نحب الوقوع بالحب نفسه...

[الأمل حلو]

عمري 22..وبالنسبه لشعوري ماعرفت احدده تجاهه..لأن لسا ماملكت..واهلي يقولون انه انسان رائع مايتفوت ..متمسكين فيه ..غير اللي يتقدمون من قبل..

اما بالنسبه للشخص .فهو قريبي..اما ليه ماتقدم ..؟؟الله اعلم

استاذتي اهلي هم اللي ساعدوني في هالشي..دايما يتكلمون عنه وعني.واذ زارنا بالبيت ..خلاص يافلانه انتي قومي وسوي وزيني مو فلان اللي جاي.زحتى لدرجة انه يقولون لي يالله متى تروحين معه ونفتك من صجتك
كل هالاشياء مو كفيله انه يكون الشخص الي في بالي؟؟؟؟؟

[أ. نوره الصفيري]

عزيزتي أذا هو حب مراهقه...كنا يحدث في كثير من العائلات في أحيانا كثيره سنزوج فلانه لفلان...
فأنت لاتعرفينه حقيقة ...ولاتعرفين أذا كنت سيعجبك لو تعاملتي معه او لا....
اذا عزيزتي لاتخافين فستعرفين الحب الحقيقي بعد زواجك بإذن الله...وستصبح هذة المشاعر من الماضي....

[الأمل حلو]

اشكرك ..استاذتي..

واتمنى يكون مثل ماقلتي...