بنتي من جديد ياأستاذه نوره

[ام الحلوات]

السلام عليكم ورحمة الله

استاذه نوره ادري ثقلت عليك بس مالي غيرك بعد الله

بنتي سبق وشكيت لك بالنسبه لرفضها النوم بالسرير

واخذت بنصيحتك والحمدلله نامت

لكن مرضت الفره اللي راحت وصارت تبكي وصار ابوها يجيبها عندنا على السرير يرحمها

المهم الان احاول انومها بسريرها ترفض بشده

وخليتها بسريرها زي ماقلتي وتبكي قلت شويا وتسكت زي المره اللي راحت لكن جلست ساعه الا ربع وهي تبكي

تصدقين وانا مسويه نفسي نااايمه

بس ابوها رحمها وشالها

وش الحل معهاااا

لاعدمناك

الله يخليلك اولادك بصحه وسلامه

[أ. نوره الصفيري]

...عزيزتي أعيد نفس التقنيات التي طبقنهافي المرة الأولى..وألف سلامة عليها...

[ام الحلوات]

غاليتي نوره

اقولك ساعه الا ربع تبكي وزوجي رفض تجلس اكثر من كذا

لايوجد حل

[أ. نوره الصفيري]

عزيزتي الأطفال ذكيين جدا جدا ويعرفون نقاط الضغط على الأبوين...لهذا ممكن ابنتك تبكي لثلاث ساعات أذا كان هذا يعني تغيير رأيك بالنهاية....وممكن ترفع درجة حرارتها..ممكن تتقيأ حتى تغير رأيك ..كل ماعليك هو الألتزام والأتفاق على أسلوب واحد ..فما دفع ابنتك للبكاء فترة أطول هو اكتشافها أن أبيها لن يوافقك وسيخضع لها أذا بكت كثيراً.....

[ام الحلوات]

ياحبي لك ياأستاذه نوره

لاعدمنااااااااك

وربي اخجل منك كثير ووقفتك معي ومع غيري

ربي يجعلها بميزان حسنااااتك

وربي راح اكون عضو فعال هنا

وراح تشوفي نشااااااطي بس صبرك لي شوي

بترتب مع بناااااتي وانطلق معكم

[ام الحلوات]

بالامس كان اول يوم لها بسريرها

وربي يا أستاذه انها بكت فقط مايقارب ربع ساعه ونامت

ولكنها تستيقظ لترى هل حضر والدها ام لا وكان يبغى ينام بغرفة ثانيه حتى لاتزعجه ببكائها فجتني فكره براسي وهي اني امثل هيئة والدها متغطي على السرير وفعلا سويت شكل شخصه نايم جانبي بالمخدات وبعد ماصارت تصحى وتبكي شويا وهالكيان مايعبرها ملت ونااااااامت الحمدلله متواصل

ياحبي لك لاعدمناك

[أ. نوره الصفيري]

هههه..رائع الله يحفظها لك ..فهي ذكية ومميزة ماشاء الله ..وفكرتك بتمثيل أبيها رائعه....احرصي على اخبار أبيها حتى ينبه لها انه لايريد ازعاج الليلة...

[ام الحلوات]

ياحبي لك

والله قدرك فووووووووووق راسي وجميل ماأنساه لك

لاعدمنااااك