طفلي يخاف بشكل فضيع

[مبدعه]

السلام عليكم

انا عضوه جديده معكم وحابه استفسر من الاخصائية نوره عن مشكلة طفلي وهو انه يخاف بشكل فضيع من كل شيءحتى النملة يخاف منها ..وهالايام مع الحر صاير يخاف من الذباب والبعوض!!!

واذا جا الليل مأسااااااااااااااة ..من جد مأساة ..(((ماما فيه بعوضه تطير عندي تعالي طلعيها من الغرفة:eek: !!!))))
طبعا هو يخاف في كل وقت بس في اليل بشكل اكبر..
المشكلة ان هذا شيء جديد عليه ..يعني صح ان الخوف كان موجود من اول بس كان خوف طبيعي ..

اخصائية نوره ارجوك شوفي لي حل مع هالولد والله اني ارحمه بس مدري وشلون اتعامل معه..خاصة واني لاحظت ان اخته (سنتين)بدت تتأثر وتخاف مثله..(وهو عمره خمس سنوات وكم شهر)
بانتظارك...

[أ. نوره الصفيري]

أهلا بك أختي مبدعه ..,اشكر لك ثقتك...
عزيزتي لدي مجموعه من الأسئله:
*هل طقلك هو الطفل الأكبر؟
*متى بدأت المشكله لديه؟ وهل حدث أمر ما بحياته مختلف...يعني بيت جديد، مدرسه جديده، مشاكل زوجيه، شغاله جديده، او مولود جديد؟
*ما الطرق التي استخدمتيها لحل المشكله؟
* وكيف هي شخصيته بشكل عام؟اجتماعي، مرح، خجول، انطوائي؟
بإنتظار ردك

[مبدعه]

مرحبا اخصائية نوره
هذا هو طفلي الاكبر..والمشكلة بدأت من اسبوع تقريبا وتزداد يوما بعد يوم(امس لاحظت انه يخاف يدخل غرفته او دورة المياه الا بوجودي معه..لانه خايف من الذبابه)..اما قبل فكان يخاف خوف طبيعي..
وبالنسبة هل استجد شيء في حياته..لا مافيه شيء جديد...
بس الفترة الي بدا يخاف فيها كنت عند اهلي ..(ماادري اذا هو شاف شيء في التلفزيون او احد من الاطفال مخوفه..هذا اللي شكيت فيه)
وبالنسة للطرق اللي استخدمتها لحل المشكلة..تناقشت معه حول خوفه..ليش تخاف من البعوض؟ عشان بتقرصني.. واذا قرصتك وش يصير؟؟يطلع فيني حبه(خايف على بشرته:)...واذا طلع حبه؟...........
الشيء الثاني اللي استخدمته اني شفت مجموعه من الذباب فمسكت طفلي وقلت تعال نطيرها وشف شلون تخاف من الانسان..وكان خايف ويصرخ..
وامس وصلها معي.. قام الساعة سبع ونص الصباح وجلس يبكي الى الساعة عشر ونص..عشان فيه ذبابة ويبي اطلعها..اخيرا طفشت منه وقلت انا ابطلعك عندها..وطلعته من الغرفة وسكرت الباب ..جلس يبكي ويضرب الباب بقوه.. ثم ذهب مسرعا الى غرفته وسكر الباب ونام..(لان الذبابة كانت في القسم اللي بين غرفتي وغرفته) طبعا انبني ضميري على تصرفي القاسي بس من جد وصلها معي..
وبس هذا اللي سويته..حاليا بديت ما اجادل اذا قال تعالي شوفي فيه ذباب اروح معه واتفقد المكان بكل هدوء وبس..
فكرت ابدأ اقص له قصص عن الذباب بشكل اجعله فيه طيب ويحب مساعدة الآخرين..
هذا ما عندي ..

[أ. نوره الصفيري]

"فكرت ابدأ اقص له قصص عن الذباب بشكل اجعله فيه طيب ويحب مساعدة الآخرين.."
هذا فكره رائعه...وممكن ان تستخدمي الصور والقصص المصوره...وعلميه ماهو الذباب وماذا يفعل...
وممكن استخدام الخيال....فتجعليه يغمض عينيه ويبدأ بتخيل الحشرات بشكل لطيف ومحبب...
ويضيف على اشكالهم(بالخيال) اضافت يراه جميله(لون-رائحه_ملابس مضحكه) كلها هذا بالخيال..
لكنني متأكده بأن طفلك تم تخويفه...فهذا الدرجه من الخوف تحدث فجأة وبقوة ...معناه أنها بفعل فاعل...
والأهم أن لا يتعلم طفلك بأن الخوف هو الطريقة الفعاله لكسب انتباهك واهتمامك...
لهذا احرصي على اعطائه الحب والتقدير عندما لا يكون خائف وملتصق بك...
وبالتوفيق

[مبدعه]

شكرا جزيلا اخصائية نورة

[قمة الإبداع]

شكرا لك المبدعه على عرض مشكلتك

والله يحفظه لك والله الذباب ذبح ولدك ياحليله ههههههههه

كلام رائع ونقاش مفيد