ماصارحني قبل الزواج

[فرح الليالي]

السلام عليكم
انا متزوجه من سنه وزوجي ماخبرني انه راعي سفرات الا بعد الزواج
انا اكثر شي اكره سفر الشباب مع اصحابهم للخارج لانه ماوراهم الا الخرابيط
المشكله اني حامل في الشهر الاخير وزوجي قالي انه يبغى يسافر الحين قبل مااولد مع اصحابه فرفضت وزعلت وبغيت انجن من القهر لحد ماحلف لي انه ماراح يسافر
بس المشكله اني سمعته يكلم صاحبه في التلفون ويقوله نقطع تذاكر
انا خايفه انه يسويها ويسافر لانه يقول انه عنده شغل في مدينه قريبه منا وانه بيسافر لها في اجازته الحين
هوو اعطاني الجواز حقه يعني جواز السفر حقه عندي بس كان يقولي اذا مااعطيتيني اياه بطلع غيره
اخاف انه طلع غيره وبيسافر خصوصا انه لنا سنه مشاكلنا كثيره جدا بس مشاكل عاديه مو كبيره وله الحين شهرين غير معاملته معاي صار طيب وكل شي اقوله يقول حاضر ولما قالي بسافر قلت له عشان كذه مدلعني هالفتره قال ايه بعدين ضحك وقال لا امزح مو عشان السفر
محتاره وش اعمل ؟؟؟؟

[خلود الكثيري]

عزيزتي ... أنصحك بالثبات على موقفك وأستخدام أسلوب الحوار البناء معه ..
تجنبي الخوض في الإتهمات وتحدثي عن مشاعرك التي ستجرح إن هو أخلف وعده الذي قطعه لك

غاليتي لا يمكنك تغير أفعال الآخرين .. ولكن يمكنك تعليم الآخرين كيف يعاملونك ووحدة الثبات في الموقف و الثقه التي ستجعل الآخرين يفكرون كثيراً قبل الإقدام على أي عمل قد يسىء اليك .

غاليتي ولكي نحيط بكامل مشكلتك أتمنى أن تجيبي على بعض الأسئلة التي أود طرحها عليك :

كم عمرك وكم عمر زوجك ؟
ما المستوى التعليمي الذي وصلتي اليه ووصل اليه ؟
هل سافر زوجك وحيداً قبل ذالك وأنتي في ذمته ؟
كيف تصفين أجبيات وسلبيات زوجك ؟


نحن بانتظارك .

[فرح الليالي]

هلا حبيبتي الله يسعدك ويوقفك ان شاء الله
اناا عمري 24وعمر زوجي 34
ماسافر ولا مره من تزوجنا لنا سنه متزوجين بس وماسافر فيها للخارج
المستوى التعليمي انا خريجه من الجامعه وهو شهادته ثانويه عامه
بالنسبه لايجابياته هو طيب معي وكريم وكويس في معاملته خصوصا في الشهرين اللي فاتوا
بس مايحب انه يطلعني او نتمشي ويعاندني على كل صغيره وكبيره
اوقات اخته تغلط على دايما يشوف اني انا الغلطانه لانها مره قريبه منه ويسمع لها اكثر مني
يحب يسهر برى البيت كثيير جدا وهذي اكبر مشكله كنت اواجهها معاه بس من شهرين ماعاد يطلع الامره في الاسبوع وباقي الاسبوع يطلعني كل يوم مكان اللي ابغاه كنت خايفه من تغيره ومن سبب التغير بس هو وضح لي انه بسبب اني اوافق اخليه يسافر
مو عصبي بس ففجاه ممكن يوصل كلامه للانفصال بدون مااعرف
دايما انا وياه في مشاكل من تزوجنا على اعتراضه على عبايتي يبغاني اغيرها وانا رافضه لانه مافيها اي عيب
عمره ماطالبني او علق على اي تقصير مني في البيت يعني دايما يتغاضي يعني مايتصيد اخطائي مو عارفه وش نمطه ؟
من النوع اللي لو زعلني مستحيل يجي يعتذر مني ابدا بس دايما يعاملني انه عادي ولا كانه شي حصل ابدا
اوقات يجرح بالكلام ويغلط واذا زعلت قال امزح
وش اسوي راح اتجنن من التفكير هل هيسافر او لا
امس جلسته وخليته يحلف على القران انه ماهيسافر بس كلامه مع اصحابه فيالتلفون يوضح انه يفكر ومخطط لكذه وش في يدي اسويه عشان اقدر امنعه من السفر وش اسوي عشان مايفكر في السفر؟

[خلود الكثيري]

غاليتي كما أسلفت أنتي لا تملكين زمام قرارات الأخرين وتفكيرهم .. ركزي على ما تملكينه أنتي من قرارات تجاه هذه المشكلة عندما تحصل فعلاً فالمخاوف و الشكوك في هذه الأثناء لن تؤتي غير النتائج السلبية
فالآخرين يتصرفون بناء على ما نتوقعه منهم
أنصحك الآن بإظهار ثقتك تجاه الوعد الذي قطعه لك ...
وإن وقع ما تخشينه من نكث الوعد عليك بإظهار قوة الحق التي تتحلى بها المرأة الواثقة من نفسها في الثبات على الموقف إزاء ما قد حذرت من أنه سيؤثر في سير العلاقة السوية التي كانت تسود بينكما

اتمنى لك التوفيق

[فرح الليالي]

فالآخرين يتصرفون بناء على ما نتوقعه منهم


فعلا معاك حق في الكلام اللي قلتيه
ومافي يدي الحين غير اني ابين له اني واثقه في كلامه وفي وعوده اللي اعطاني اياها
وهحاول ماابين خوفي من هالموضوع امامه
وان شاء الله يكون قد كلمته ويوفي بوعده لي
شاكره لك اختي ردك عليه جعله الله في ميزان حسناتك